Shanxay metodik birlashmasi a’zolari SamDCHTIda

Samarqand davlat chet tillar institutiga Xitoyning Shanxay metodik birlashmasi a’zolaridan tashkil topgan 40 dan ziyod delegatsiya tashrif buyurdi. Delegatsiya a’zolarini institut prorektori F.Sh.Ro‘ziqulov va Konfutsiy instituti direktori Tszing In birgalikda kutib olishdi.

Samarqand davlat chet tillar instituti qachon ochilganligi, institut tarixi, yo‘nalishlari, xususan, “Xitoy tili” yo‘nalishi mavjudligi haqida prorektor F.Sh.Ro‘ziqulov Shanxay metodik birlashma a’zolarini batafsil tanishtirib o‘tdi.

Konfutsiy instituti direktori Tszing In Konfutsiy institutining tashkil etilganiga 4 yil bo‘lib, shu yillar ichida katta yutuqlarga erishganligi hamda institut faoliyati to‘g‘risida gapirib o‘tdi.

Uchrashuv tadbiri yakunida delegatsiya a’zolariga konfutsiy instituti talabalari tomonidan xitoycha, o‘zbekcha raqslar ijro etildi.

Xorijiy filologiya jurnali tahrir ha'yati